বিজয় হাজাৰে ট্ৰফী ক্ৰিকেটত অসমৰ পুনৰ পৰাজয়

জয়পুৰত চলি থকা বিজয় হাজাৰে ট্ৰফী ক্ৰিকেটত অসমৰ পৰাজয়ৰ ধাৰা অব্যাহত আছে ৷আজি গ্ৰুপ “এ”ৰ খেলখনত অসমক হাৰিয়ানাই ৮উইকেটত পৰাস্ত কৰে ৷প্ৰথমে বেটিং কৰা অসমে ৩৭অভাৰত ম৷ত্ৰ ১৩৯ৰানতে অলআউট হয়৷সৰ্বাধিক ৫৫ৰান কৰি আউট হয় সুমিত ঘাড়িগাওকাৰ ৷ ঋষভ দাসে ৩৬ ৰান কৰে ৷নিশান্ত সিন্ধুৱে ৪টা আৰু পাৰ্থ শিৱ ভাটছে ৩টা উইকেট দখল কৰে ৷ প্ৰত্যুত্তৰত হাৰিয়ানাই ৩২অভাৰত ২উইকেটত ১৪০ৰান কৰি জয়লাভ কৰে ৷ পাৰ্থ শিৱ ভাটছে ৫২ ৰান কৰি নট আউট হৈ থাকে ৷মুখতাৰ হুছেইনে ২টা উইকেট লয় ৷অসম ইয়াৰ আগেয়ে ঝাৰখণ্ড আৰু গুজৰাটৰ হাতত পৰাস্ত হোৱাৰ বিপৰীতে ওড়িশাৰ বিৰুদ্ধে জয়লাভ কৰিছিল ৷