মাজনিশাৰ ভূমিকম্পত আতংক

মাজনিশা অহা এটা প্ৰবল ভূমিকম্পই জোকাৰি যায় ৰাজ্যখনক৷ নিদ্ৰাৰত ৰাজ্যবাসীক আতংকিত কৰি তোলে এই প্ৰবল জোকাৰণিয়ে৷ মাজনিশা ২-২৫ বজাৰ ভূমিকম্পটোৰ প্ৰাবল্য আছিল ৰিখটাৰ স্কেলত ৫.৩ ৷ ইয়াৰ অভিকেন্দ্ৰ আছিল মৰিগাঁও জিলাৰ ভুৰাগাঁৱৰ পৰা দুই কিলোমিটাৰ নিলগত৷ গভীৰতা আছিল প্ৰায় দহ কিলোমিটাৰ৷ প্ৰায় ৩০ ছেকেণ্ড সময় অনুভূত হৈ আছিল ভূমিকম্পটোৰ জোকাৰণি৷ অসমৰ লগতে পূৰ্বোত্তৰৰ ৰাজ্যকেইখনৰ উপৰিও ছিকিম, পশ্চিম বংগ, বিহাৰ, ওড়িশা আদিতো জোকাৰণি অনুভূত হৈছে৷ সেইদৰে বাংলাদেশ, ভূটান, ম্যানমাৰ আৰু চীনটো জোকাৰণি অনুভূত হোৱা বুলি কোৱা হৈছে৷ তথ্য অনুসৰি Kopili Lineamentৰ অংশ Brahmaputra fault বা Brahmaputra bed ত হোৱা চ্যুতিৰ বাবেই এই ভূমিকম্প হৈছে৷